პამიდორი Jina
ჯიშის ღირსებები
- მდგრადობა პამიდვრის ძირითადი დაავადებებისადმი (მათ შორის ფიტოფტოროზისადმი)
- მაღალი მოსავლიანობა
- დაბალტანიანობისა და მსხვილნაყოფიანობის წარმატებული შერწყმა
- მოკრეფილი პამიდორი დიდხანს ინარჩუნებს სასაქონლო თვისებებს
პამიდვრის შესანიშნავი მოსავლიანი ჯიში, რომლის მოყვანაც დამწყებსაც კი შეუძლია, რომელიც პამიდვრის აგროტექნიკის დეტალებს არ იცნობს.
საშუალოსაგვიანო, დაბალტანიანი, არამომთხოვნი და მებაღეებში ძალიან პოპულარული პამიდვრის ჯიში ღია გრუნტისთვის, აპკის თავშესაფრებისა და სათბურებისთვის.
დეტერმინანტული ტიპის, საშუალოდ დატოტვილი ბუჩქი, სიმაღლით 40-50 სანტიმეტრი, ნამხრევების შეცლას არ საჭიროებს. მცენარის საყრდენზე მიმაგრება სასურველია, თორემ ბუჩქი ნაყოფის სიმძიმისგან შეიძლება წაიქცეს. ჯინას ნაყოფი კი საკმაოდ მძიმეა.
ნაყოფის ძირითადი თვისებები
ნაყოფი ბრტყელ-მრგვალი ფორმის, მკვრივი, მსხვილი, ხორციანი, დახეთქვისადმი არამიდრეკილი, სიმწიფის სტადიაში ნარინჯისფერ-წითელი, წონით 190-200 გრამი (300 გ-მდე), წვნიანი, შესანიშნავი გემოთი. ეს პამიდორი უნივერსალური გამოყენებისაა — შესაფერისია როგორც ახალი სახით მოხმარებისთვის, ისე პამიდვრის პროდუქტებად გადამუშავებისა და დაკონსერვებისთვის.
